www.payamewatan.com
     
 

ښاغلې ایمل پیروز

   د وطن پیغام په نامه ستاسو له انترنټي سایټ سره د دوستانو په مرسته آشنا شوم.  تاسو ته په دغه پتمن او شریفانه کار کې د سترو بریالیتوبونو هیله کوم.  په سایټ کې د نورو ارزښتناکو مطالبو په لړ کې، همدارنګه څرکنده شوې ده چې د وطن ګوند د مشر او د افغانستان د پخواني جمهور رئیس شهید ډاکتر نجیب الله د شهادت د لسمې کلیزې په مناسبت سمینار جوړیدونکې دی.  زما په نظر دا یو په زړه پورې او د زیات ارزښت لرونکې نوښت دی.  زه یقین لرم چې په دغه سمینار کې به زموږ ګڼ شمیر هیوادوال ګډون وکړي او زموږ د هیواد د دغه نه هیریدونکي ملي مشر او وتلي شخصیب د ژوند، کار او مبارزې په باب به خپلې واقعبینانه ارزونې او تحلیلونه وړاندې کړي.  پریږده چې د افغانستان د معاصر تاریخ دغه بی بدیله شخصیت د خلکو په خاطر و کې هماغسې ژوندی پاتې شي او فکرونه او ذهنونه یې د هغه له تاریخي ویناوو او علمي او لارښودونکو سپارښتونو نه ملهم پاتې شي.  پریږده چې دغ سمینار د هغو خاینو او وطن دښمنو پر مخ هم کلکه څپیړه وي چې د وطن او خلکو په ډیر سرنوشت جوړونکو شپو ورځو کې یې له شهید ډاکتر نجیب الله سره جفا وکړه او د دښمنانو په خوا کې ودریدل او وطن یې پر پردیو خرڅ کړ.  زه پخپل وار د دغه ارزښتمن سمینار  د بري هیله کوم او د شهید ډاکتر روح ښاد غواړم. 

په خورا درناوي

نجیب سرغندوی
 د ۲۰۰۶ کال د سپټمبر میاشت

 

>> بازگشت به صفحۀ اصلی <<