www.payamewatan.com
     
 

هدايت الله هدايت
 

درنو دوستانو او حقپاله وطنپالو  افغانانو!

   زموږ د غم ځپلي هېواد د سختو ورځو ملګری او ملي لارښود او زموږ د ولس د په وينو لړلی لوی شهيد او ملي شخصيت ډاکټر نجيب الله د شهادت دلسمي کليزي په مناسبت د افغانانو دارادت د تمثيل احساس چې دوطنپالو افغانانو د انسجام د مؤقتي کميټې لخوا د علمي سيمنار په تدوير سره تر سره کيږي او بندو بست يې د همدا اوسه څخه نيول کيږي، په واقعيت کې دا د هغه ملي او وطنپاله افغانانو هڅه ده چې ټولو ته بلنه ورکوي د هېواد په دغه سرنوشت جوړوونکي مرحله کې د شهيد ډاکټر نجيب الله د ملي او وطنپاله هڅو و عمق او معنی ته ځير سي او دهغه دسولي او دملي او بنسټيز دولت د رامينځته کېدو هلو ځلو ته چې کارونه يې د ملګرو ملتو تر څارني لاندي روان وه د ملي يووالي او افغاني مسؤليت په احساس سره وګوري.  دهېواد په هغه تاريخي مرحله کې د افغانستان د ملي حاکميت او ملي يو والی د پرنيسپونو اصل ته په  پاملرني او  درناوی  سره  دهغه شهيد ځای او دهغوی د هلوځلو ملي، افغاني او انساني ماهيت په کښي پيدا کړي .

   د سولې، ديموکراسۍ، ترقي او ملي مصالحې  سياست چې د ډاکټرنجيب الله د نامه سره نه شلېدونکی تړاو لري ټولوافغاني وطنپالو ته بلنه ورکوي چې د وطن د ملي مصالحو او ګټو پر بنا د هغه شهيد ځغاستي او هلې ځلې د هېوادپه هغه او اوسنۍ بحراني حالت کې تحليل او تجزيه کړي او دهېواد د راتلونکو ښېګڼو دپاره دی  د وطنپالو افغانانو د انسجام او تحرک دپاره د يوه نوي پراخ بنسټه ملي او مترقي بنياد خښته ورباندي کښېږدي داسې چې وکولای سي دټولو ملي اومترقي  کړيو انسجام او يووالي ته  الهام بخښونکې تحرک ورکړي  او د سولې او ملي پخلاينې  و بهير ته يې ممد واقع کړي .

   نن زموږ حقپاله ولس ديوه سره د ډاکټر نجيب الله د ځغاستو او ملي پخلايني ته د رسېدو دﻻرې د هوارولو هڅې او ملي سياست د هغوی په زړو کې ځای لري، وهغه ته درناوی کوي او هغه ته د سولې ديوه ملي مکتب  په حيث ګوري .   زموږ د خلکو دغه ملي او باسپاسه احساس هيڅوک له مينځه نسي وړلای .  دغه ملي لاره بايد د وطن هر ملي، مترقي او وطنپاله افغان عنصر بايد پر مخ بوزي او هغه وسولې او ملي پخلاينې ته د ګران افغانستان دښېرازې دپاره وکاروي .

   پرېږد چې د ډاکټر نجيب الله د شهادت لسمه کليزه د ټولو خواره واره وطنپرستانو ديوون او اتحاد د تحرک محرک وګرزي او پر ستونزو باندې د هغوی دبري په کليزې باندې بدل سي .

په درناوي
هدايت الله هدايت
استرليا
۲۵/۸/۲۰۰۶

 

>> بازگشت به صفحۀ اصلی <<