www.payamewatan.com
 

 

 

صفحۀ اصلی

 

تاریخ نشر:21.07.2007

 انجنیر عبدالکبير کاکړ

استقلال   

نور  دې   نه  تجلیلومه !        نور  دې   نه   را   یادومه !

*****

ستا په سمو او په غرونو        په     قبرو    په     زیارتونو

خاورې دوړې د ټانکونو        وطن   ډک    له    دوزخونو

له  نا چارې  به  ورځمه        سرې  جنډی   ئې   ښورومه

نور  دې  نه  تجلیلومه !        نور   دې   نه   را   یادومه !

*****

دتاريخ هېر شوه درسونه         را کوي      تل    پيغورونه

پرما بار شوه لکه غرونه         د        نا کسو       تُهمتونه

په اغيار چه  ځان ساتمه          پګړۍ   لرې  غور  ځومه

نور  دې   نه  تجليلومه!          نور  دې  نه   را   يادومه !

*****

پخواني زاړه ً یارانً  دي       دا ً شین سترګيً اشنایان  دي

شپوداره  ً کاوبایان  ً  دي       په ظاهرکې ټول ًدوستان ًدي

شاه شجاع    به    یادومه       په   بې ننګو  ځان   شمیرمه

نور  دې   نه  تجلیلومه !       نور  دې   نه   را   یادومه !

*****

دوی ته  هیڅ  ویلۍ  نشم        ورته    پاس    کتلۍ     نشم

مظلوم  ورور ګټلۍ  نشم        نو   تا   هم    ساتلۍ     نشم

خپل غازیان  به  هیرومه       ژوند   په   مرګ   حسابومه

نور دې   نه  تجلیلومه  !        نور  دې  نه   را  یادومه  !

*****

زه کاکړشوراوفریاد کړم       چه  امان* کله  را  یاد  کړم

 دخپل قام نفاق بربادکړم        غم ځپلي  زړه   ناښاد  کړم

اوښکې     پټې    تویومه       ځان  په  مړو  کې  شمیرمه

نور  دې  نه   تجلیلومه ّ!        نور  دې   نه  را  یادومه !

*****

دا هم  وايم  ګران  وطنه          تا  به   ساتم   له   دُښمنه

له  دې سره او تور بُوینه          که   بَهر  دي   که   دَننه

زه  خپل فرض ادا کومه          همیشه   دې  ياد   ساتمه

تا     به    تل   تجليلومه           تا   به   تل   را   يادومه

*****

که خوستۍ که ننګرارۍ يم       لغمانۍ  که  قندارۍ  يم*

هراتۍ  که  مزارۍ   يم           بدخشۍ  که   کابلۍ   يم

په   وحدت  به دې  پالمه          د ورورۍ لاس ورکومه

تا     به    تل    تجليلومه          تا   به   تل  را   يادومه

*****

پلار  سپارلۍ امانت  ئې         زمونږ  مينه  مُحبت  ئې

هم موشان ئې هم شوکت ئې      د افغان ننګ اوهمت ئې

په  سرو وينو  دی  ساتمه         هم    دی    زه   ابادومه

تا     به     تل    تجليلومه          تا   به   تل  را  يادومه

*****

زه دی ستا يم څو ژوندۍ يم       د ميرويس،احمدبچۍ يم*

د  اغيار د مخ اغزۍ  يم           ميړنۍ  لکه  ځمرۍ  يم

تر   اټک   ئې   زغلومه           شمله    نیغه    ګرځومه

تا     به    تل    تجلیلومه           تا   به   تل  را   يادومه      

پای

 

_________________

*  له امان څخه منظور پا چا امان الله دۍ چه په 1919 کې ئې استقلال اعلان کړ.

* ننګرارۍ (ننګرهارۍ )، قندارۍ (قندهارۍ )

* د ميرويس څخه منظور ميرويس نيکه او د احمد څخه منظور احمد شاه با با دی .

                                                                              انجنر عبدالکبير کاکړ

                                                                              جرمني 06 .11 .01

_____________________________________

 څلوریزې:

 ګُناه

د  یار  کوڅې  ته  که  ً کعبه ً ووایم

دا  به  وړه  وي  او که  لویه  ګُناه؟

زه   ګُناهګار  یمه   مین   په   مینه

که مې شي مینه  بیا حساب په ګناه

06 .10 .28

 

وطن

چه  سُجدې  ورته  کومه ، لیونۍ  د  سُجدو  زه  یم

لوغړن  یمه  سوزیږم ،  په  اَرزو  د  لیدو   زه  یم

د چنګیزد ګوډ تیمور، میراث خورو ظلم روان دۍ

په دریاب کې چه ډوبیږي هغه بی لاس بې پښوزه یم

 06 .11 .03

 

 

>> بازگشت به صفحۀ اصلی <<