فريدريشس
دورف
د ۲۰۰۳ دمارچ اوهمه
د مینې بقا
شاعر له شمعې پوښتي
ولې،
دڅه دپاره،
مئین پنگ سوزوي؟
شمعې د اوښکو د بهير په ليكو
دا یې را وکښل چه :
شاعره !
گِرموی مې څله
زه د بدن په ويلی شوي ذری
د عشق محفل تودوم
او،
پتنگان را بولم
خپله سوزم،
محفل ته نور وركوم
نور په ځان نه پوهیږم
* * *
پتنگ د حال په ژبه
د سوزيدو په درشل
دا یې را وويل چه :
شاعره !
دا می باور وو
او باور می دی اوس
چه :
د خپلی مینې د وفا په ثبوت
د ځان سيزل شرط دي
دادی چه زه هم سوزم
شاعر !
مئین یې ته هم
شاعره !
ته هم سوزې.
* * *
د پاکې مینې د بقأ په خاطر
شمعه هم سوزي
پتنگ سوزي
او،
شاعر هم سوزي.