www.payamewatan.com
 

 

 

صفحۀ اصلی

 

تاریخ نشر:24.07.2007

اخترمحمد نور
ناروي

دظاهرشاه په هکله د ولس نظر

د ظاهر شاه د بابائي دوره نور ختمه شوه ! 

 

   ظاهر شاه چې د خپل پلار نادر شاه د وژل کېدو څخه وروسته په خام عمر د انګرېزانو په ډيکټه پر تخت کېنول شو نو د خپل سلطنت په وخت کې يې د رکود او خوب دوره په وطن کې حاکمه کړه.  پخپله ئې د عيش او عشرت دوران تيراوه خو ملت د لوږې او ناخوالو کندو ته لوېده.  دهغه د تره زوی داودخان دغه دوره ښه وارزوله او د هغه پر ضد ئې سپينه کودتا وکړه.  داود خان د ظاهر  د بې غمباشۍ پاليسي د ملي تراژيدۍ  يو لوی عامل و باله. همدا لړۍ و کمونیستي کودتا او راورستيو لانجو ته لاره پرانيستله.  د ټولو چپي او جهادي او طالبي - اخواني نا خوالو سره سره ظاهر خان د امريکا لخوا د طالبانو په نسکورولو کې نقش ولوباوه او  زموږ  د وطن د تاريخي شړل شوي دښمن، د انګرېزانو  د بيرته راتګ زمينه یې برابره او  پای کې د هغوی د پوځي عسکرو سره  يوځای بيرته کابل ته را ستون شو.  ظاهر شاه دغه تاريخي بدنامي  و کرزي ته پرېښودله چې د انګرېزانو او امريکايانو په جوړه شوې لويه جرګه کې يې دا تاريخي بدنامي  د کرزي په نامه  ور په غاړه کړه.  دهغه راهيسي ظاهر شاه يوه ژوندې مړې وو چې ايسته او دورې يې پر نامه او نيم ځانه جسد باندي تجارت کېده او د ملت دبابا په نامه  به ئې  پورته کښته  کاوه خو ولس ئې په کيسه کې هم نه وو.
 

   واقعيت خو دا دی چې ظاهر شاه په دريو لسيزو کې د دی وطن د لانجو په کمولو  او د وينو د تويوولو دمخنيوی لپاره  پرته له بيانيو او اعلاميو له صادرولو څخه بل هيڅ مسؤلانه نقش و نه لوباوه.  نوموړي صرف و هغه څه ته  لاره هواره کړه چې دا وطن ئې د امريکا او ناټو په اډه  بدل کړ  او هغه څه ته يې لاره خلاصه شوه چې  ظاهر خان پکې  خپل اويا کلونو هڅو ته تحقق ورکړي.  هغه و کولای شول چې د ولس لخوا شړل شوي  انګريزي بادارانو ته په وطن کې  د بيرته مېشته کېدو زمينه برابره  او په دې ډول انګرېزانو ته خپل نمک حلالي ثابته ته کړي.
 

   د هغه په ژوند کې د دې وطن ستونزې را وزېږېدې خو دهغه   مرګ  به  دا ستونزې مړې نکړي.  ځینو د غوړمالۍ په خاطر هغه ته بابا وويل او انګرېزانو خپل موجوديت ورباندي بې تأثيره کړ، ځیني د چاپلوسۍ په وجه هغه د منډيلا او ګاندي او زموږ د وطن د ګڼو بهادرو زامنو سره پرتله کوي خو حق دا دی چې هغه هيڅ نه ملي، نه معنوي  او نه علمي وجه درلوده.  هغه د وينو د تويولو د ختمولو لپاره نه وو  راغلی، هغه خو دسولې بهير لا له پخوا څخه په لغته وواهه، هغه دخپل لمسي په تشويقولو سره د ملي خائنانو او جنايت کارانو کړو ته قانوني بڼه ورکړه او په ملي جبهه خانه کې ورسره شامل شو.  د ده د عياشۍ دوره و ملت ته توره دوره وه. آرامي به وه خو داسې آرامي په زندان کې هم وه، خلک وږي وه او بې عدالتي اوج ته رسېدلې وه.  د همدې لپاره داودخان ورباندې کودتا وکړه.
 

   دانګرېزانو لخوا نومول شوي بابا د بابائې دوره  نورختمه شوه .!  


 

په درناوي

اخترمحمد نور
ناروي

 

 

>> بازگشت به صفحۀ اصلی <<